Kombëtarja e Kosovës U21 ka barazuar me Bullgarinë, në kuadër të kualifikimeve për Kampionat Evropian 2025.
Pas 45’ minutave lojë të zhvilluara në stadiumin “Zahir Pajaziti” në Podujevë, “Dardanët” e rinj ishin në disavantazh si vendas 2:1 kundër Bullgarisë U21.
Te Kosova U21 golashënues ishte Ardit Tahiri (minuta e 34’), kurse golat për bullgarët i shënuan Martin Sorakov (minuta e 8’) dhe Martin Petkov (minuta e 45’).
Kosova arriti ta rikthej rezultatin duke shpëtuar një pikë, me Tahirin që shënoi edhe golin e dytë.
Kosova dhe Bullgaria janë në Grupin D, të cilin e kryeson Polonia, e ndjekur nga Gjermania.
Bullgaria është në vendin e tretë me gjashtë pikë, një më pakë ka Kosova, e cila renditet e katërta.