Kombëtarja e Malit të Zi ka shënuar fitore kundër Lituanisë, në ndeshjen kualifikuese për Kampionatin Evropian 2024.
Reprezentacioni malazez triumfoi 2:0 kundër Lituanisë në Podgoricë, në kuadër të Grupit G, shkruan lajmi.net.
Mesfushori i Ballkanit, Edvin Kuç zhbllokoi shifrat me supergol tek në minutën e tretë për epërsinë e Malit të Zi.
Golin e dytë për Malin e Zi e shënoi Jovetiq në minutën e 48-të, gol në të cilin asistoi futbollisti me prejardhje shqiptare, Driton Camaj.
Fitorja në këtë takim i mban gjallë shpresat e Malit të Zi për kualifikim në Kampionatin Evropian 2024, pasi çdo rezultat tjetër do ta dërgonte atje Serbinë.
Mali i Zi është i treti në grup me 11 pikë, dy më pak se Serbia dhe katër me pak se Hungaria që sonte siguroi plasmanin në Evropian.
Lituania është e katërta me vetëm gjashtë pikë.