Federata Evropiane e Futbollit (UEFA) ka marrë vendim sot për ta shtyrë ndeshjen mes Kosovës e Izraelit pas sulmeve terroriste që ndodhën në Izrael ku mbetën të vdekur më shumë se 2500 njerëz.
Mediat serbe kanë shkruar për këtë lajm por si gjithmonë nuk u kanë munguar etiketimet raciste, transmeton Ballkani.info.
“Ndeshja e grupit I të kualifikimit për Kampionatin Evropian 2024 ndërmjet të ashtuquajturve Kosova dhe Izraeli ishte menduar të luheshin më 15 tetor në Prishtinë, por UEFA e ka shtyre dhe ka njoftuar se data e re për këtë ndeshje do të bëhet e ditur më vonë.
Para disa ditësh UEFA ka shtyrë edhe duelin mes Izraelit dhe Zvicrës, i cili duhej të luhej sonte në Tel Aviv. Kjo ndeshje do të luhet më 15 nëntor.
Në luftën midis Izraelit dhe Hamasit, më shumë se 2500 njerëz vdiqën në gjashtë ditë lufte”, ka shkruar portali serb Telerafi.rs.
Të kujtojmë se sonte Kosova nga ora 20:45 do të ndeshet me Andorrën në kuadër të kualifikimeve për Kampionatin Evropian. /GazetaSport