Ministria e Kulturës, Rinisë dhe Sportit ka bërë një reagim në rrjetet sociale në lidhje me zgjedhjen e Bekë Berishës si Kryetar i KB Prishtinës.
Bekë Berisha dje u zgjodh kryetar i klubit basketbollistik, Prishtina, shkruan Indeksonline
Por, meqenëse ai ka fituar votat për të qenë deputet i Republikës së Kosovës, s’mund ta mbajë edhe postin e kryetarit te klubi kosovar.
“Duke marrë parasysh se z. Berisha është deputet i zgjedhur i Kuvendit të Kosovës pas zgjedhjeve të 28 dhjetorit 2025, MKRS rikujton detyrimin e të gjitha palëve të përcaktimeve të Ligjit Nr. 06/L-011 për Parandalimin e Konfliktit të Interesit që parasheh që zyrtari i lartë, mund të jetë anëtar i organit drejtues të OJQ-ve nga fusha e sportit, por jo menaxher/ përfaqësues i autorizuar ose anëtar i ndonjë organi menaxhues apo mbikëqyrës i personave juridikë privatë, fitimprurës sipas ligjit përkatës për shoqëritë tregtare (neni 13 i Ligjit Nr.06/L – 011) dhe bartës i funksionit drejtues (neni 14 i Ligjit Nr.06/L – 011 ), si dhe obligimin që çdo situatë e konfliktit të interesit të parandalohet e të zgjidhet brenda afatit prej 30 ditësh nga marrja e detyrës (neni 8 i Ligjit Nr.06/L – 011)”, thuhet në reagimin e MKRS-së.