Aksidenti i rëndë që pësoi portieri Sergio Rico majin e kaluar, kur goditja e kalit me këmbë,
mbi të cilin po kalëronte, e la në gjendje kome për gati një muaj, na bëri të frikësohemi nga
më e keqja.
Megjithatë, lojtari i PSG-së mbijetoi pas 26 ditësh në koma dhe, gjëja më e mirë, pa asnjë
pasojë fizike apo mendore. Këtë të enjte, Sergio Rico mori pjesë me video-telefonatë në “El
Partidazo de COPE” për të na treguar se si po shkon rikuperimi i tij.
Rico foli për “Cadena COPE” nga Seville, ku është pranë familjes së tij dhe duhet t’iu
nënshtrohet ende disa kontrolleve. Ai po përpiqet të rifitojë tonin e mirë fizik, derisa mjekët
t’i japin “ok” përfundimtar. Për momentin nuk mund të ushtrojë sporte në nivelin më të
lartë, sepse stërvitja e tij është e kufizuar në 130 rrahje zemre, por Sergio thotë se fle
mrekullueshëm, si një fëmijë: “Unë mezi pres që doktori të më japë pak më shumë liri,
sepse ndihem mirë”.
Aksidenti ndodhi më 28 maj 2023. Sergio Rico mbaroi ndeshjen me PSG-në dhe mori
avionin për në Malaga. Aty e priste një shok, me të cilin do të udhëtonte me makinë drejt
Ayamonte (Huelva) për të shijuar “El Rocío”. Aksidentalisht, ai ra nga kali mbi të cilin po
bënte hipizëm.
Fati i keq ishte se kali ia vuri njërën këmbë në kokë, në ecje e sipër, duke e dëmtuar
rëndë. Po çfarë kujton Sergio Rico nga ajo ditë? “Mbaj mend që mbërrita në Malaga, një
shok më mori me makinë dhe shkuam në drejtim të Atamonte… Nuk mbaj mend asgjë
tjetër deri më vonë, në spital”, – ka rrëfyer ai.
Madje portieri spanjoll ka tentuar të riaktivizojë kujtimet e asaj dite “duke kaluar nëpër
vendet ku kam qenë ditën e aksidentit për të tentuar t’i kujtoj, por nuk më kujtohen fare”.