Prishtina 01 e ka nisur me disfatë të thellë fazën e 16-të skuadrave më të mira të Evropës në Ligën e Kampionëve. Një herë kampionia dhe dy herë fituesja e Kupës së Kosovës në futsall, humbi të mërkurën mbrëma në “Pallatin e Sportit” në Prishtinë nga Kairat Almaty e Kazakistanit, me rezultatin 11:2.
Ndeshja i ka takuar Grupit B të fazës “Elite Round” dhe u zhvillua në “Pallatin e Sportit” në Prishtinë, që është edhe nikoqire e grupit.
Ndeshja në të cilën pati numër të konsiderueshëm të adhuruesve të futbollit të sallës, u mbyll me zhgënjim për ta pas bardhekaltrit pësuan humbje të thellë.