Sabit Bilali nuk ka mundur t’i ruaj nervat në fundin e ndeshjes në mes të Shkëndijës së Tetovës dhe Akademija Pandevit (1:1). Ai fillimisht shtyu një futbollist dhe u nis për në mes të fushës.
Por, Bilali u shtye nga kundërshtari, të cilin e rrëzoi e më pas goditi me shkelm.
Bilali u përjashtua me karton të kuq. Ndeshja u zhvillua të dielën në Tetovë dhe i takoi javës së 14-të të elitës së futbollit të Maqedonisë. Shkëndija ndodhet e dyta me 24 pikë, tre me pak se skuadra tjetër shqiptare, liderja Struga.