Mbrojtësi i Malit të Zi, Adam Marushiq ka përjetuar momente shumë të vështira në Beograd. Ai ndodhej në Serbi me përfaqësuesen malazeze ku luajti një sfidë të vlefshme për kualifikueset e Euro 2024, por është sulmuar nga persona të armatosur.
Bashkë me mbrojtësin e Lacios ishin edhe anëtarë të familjes si edhe menaxheri i tij Uros Jankoviç. Marushiq kishte vendosur që të festonte ditëlindjen e tij të 31 me nënën, gruan, motrën dhe menaxherin në një restorant në Beograd, por jashtë atë e prisnin disa keqbërës të armatosur.
Lojtarit iu drejtua pistoleta në kokë, ndërsa sulmet më të mëdha i pësoi menaxheri i tij. Keqbërësit i thyen mollëzën dhe këmbën e majtë. Edhe e ëma e futbollistit u dëmtua.
Sipas hetimeve të nisura nga policia serbe, mendohet se në sulm janë përfshirë dy djemtë e drejtorit sportive të Cërvena Zvezdës, Zvezdan Terziç, i cili kishte pasur disa konflikte me Jankoviç. Sipas menaxherit të tij, lojtari i bardhe kaltërve është një hero, pasi pa ndihmën e tij, jeta do t’i rrezikohej.