Tottenhami ka vazhduar me formën e lartë në Premier League, duke u konfirmuar si lider në tabelë, për të paktën edhe një xhiro.
Londinezët mposhtën Crystal Palacen 2:1 të premten si mysafirë, për të shkuar në kuotën e 26 pikëve nga 10 xhirot e para.
Një autogol i Joel Wardit në minutën e 53-të dhe një gol i Heung-Min Sonit 13 minuta më vonë, i mjaftuan skuadrës së Ange Postecoglout të marrë pikët e plota. Te vendasit, krejt në fund të ndeshjes shënoi Jordan Ayew për 2:1.
Në tabelë, Tottenhami ka 26 pikë pas 10 ndeshjesh, duke ikur në pesë pikë para ndjekësve të parë Manchester City dhe Arsenali që në dy ditët e ardhshme luajnë ndeshjet e mbetura.