Ish-futbollisti i Austrisë, Gerhard Rodaks (57) është hedhur sot nën një tren.
Mediat austriake raportojnë se kjo tragjedi e paprecedentë ka ndodhur në afërsi të Trajskiken.
Rodax ishte i sëmurë rëndë dhe besohet se ka kryer vetëvrasje.
E përditshmja vjeneze “Kronen Zeitung” shkruan në uebsajtin e saj se ai e ka çuar makinën e tij në hekurudhë, më pas ka dalë nga automjeti dhe ka qëndruar në shina dhe treni, i cili ka lëvizur me shpejtësi 150 kilometra në orë, nuk ka mundur të ndalet duke e shtypur atë. Vetëm pas 400 metrash treni arriti të ndalonte.
Ndryshe, Rodaks ka luajtur 20 herë në fanellën e kombëtares, ndërsa kulmin e karrierës e ka përjetuar në fanellën e Admira Vakerit, për të cilën ka luajtur 192 ndeshje dhe ka shënuar 84 gola.
Ai ishte golashënuesi më i mirë në Austri në vitin 1990, pas së cilës shkoi në Spanjë ku luajti për Atletico Madrid.