Ekonomi i Prishtinës e lë në një tavolinë Kupën, thotë se nuk e zuri rafti i trofeve

Prishtina e ka mbyllur sezonin me trofe, pasi sonte ia doli të fitojë trofeun e Kupës së Kosovës.

Skuadra e drejtuar nga Debatik Curri mposhti Gjilanin në finale të kësaj gare.

Ndeshja e zhvilluar në stadiumin “Fadil Vokrri” përfundoi me rezultatin e pastër 0:2.

Prishtinasit ia dolën të triumfojnë me golat e shënuar nga Genc Hamiti (67’) dhe Mërgim Pefqeli (78’).

Për Prishtinën është hera e tetë në histori të klubit që e fiton Kupën e Kosovës.

Ekonomi i këtij klubi, Ruzhdi Gashi, ka bërë një postim interesant pas këtij triumfi.

Ai ka publikuar një fotografi me trofeun, për të cilin tha se nuk po ka se ku ta vendosë.