Futbollistet e reja të Kosovës promovohen në Ligën A për “Euro 2023”

Futbollistet e reja të Kosovës janë promovuar në Ligën A për raundin e dytë kualifikuese për Evropianin e vitit 2023 që mbahet në Estoni.

Në Ligën A, Kosova U17 u promovua për shkak të bilancit më të mirë të përfaqësueseve të pozitave të dyta në Ligën B. Kosova U17 muajin e kaluar doli e dyta në grup me Maqedonisë së Veriut, Shqipërinë dhe Moldavinë.

Shorti për raundin e dytë do të tërhiqet më 7 dhjetor në Nyon të Zvicrës nga ora 10:00, ndërsa ndeshjet do të zhvillohen në muajin mars.

Ky raund kualifikues do të vendosë shtatë përfaqësueset që do t’i bashkohen nikoqires Estonisë.

Evropiani zhvillohet nga 14 deri më 26 maj.