Sulmuesi i Manchester United, Cristiano Ronaldo, mund ta shohë veten duke luajtur sërish nën urdhrat e Jose Mourinhos, por tani te Roma vitin e ardhshëm.
Megjithatë, ylli portugez po e kërkon një skuadër që luan në Ligën e Kampionëve, dhe Chelsea shihet si destinacioni i tij i mundshëm.
Ben Jacobs i CBS raporton: “Burimet e afërta me (agjentin) Jorge Mendes shohin një rrugë drejt Romës sezonin e ardhshëm, veçanërisht nëse ata kualifikohen për Ligën e Kampionëve dhe gjithashtu opsion është edhe liga amerikane, MLS . Por, është më pak e sigurt se mund ta shohim atë duke kaluar te Chelsea, qoftë edhe me kontratë afatshkurtër”.
Ajo për të cilën shpreson Mendes është që Boehly të qëndrojë si drejtor sportiv deri në janar dhe se ai ka më shumë fuqi vendimarrëse, veçanërisht nëse ka më shumë kohë për të vlerësuar tregun”.
“Por, burime brenda Chelseat thonë se Ronaldo nuk do të transferohet kurrë pa miratimin e plotë të Graham Potter”, ka shtuar më tej gazetari i këtij mediumi.
Ronaldo nuk i ka raportet e mira me Erik ten Hagun dhe kontrata e tij aktuale me Manchester United skadon në verën e vitit të ardhshëm.