Skuadra e Ballkanit është skuadra me vlerën më të madhe në Superligën e Kosovës. Vlera e saj është 4.18 milionë euro, shkruan Gazeta Metro.
Ueb-faqja transfermarkt.com, ka publikuar vlerat e skuadrave të Superligës, ku skuadra nga Suhareka, Ballkani, i prin kësaj liste.
Sipas kësaj faqe vlera e Ballkanit është 4.18 milionë euro, ndërsa lojtari më i shtrenjtë tek ky ekip është Ermal Krasniqi me vlerë 350 mijë euro.
Në pozitën e dytë gjendet Drita nga Gjilani, me vlerë 4.13 milionë euro.
Vendi i tretë është ‘i rezervuar’ për Llapin që ka vlerën 3.2 milionë euro.
Ndërsa në vendin e katërt dhe pestë gjenden Prishtina dhe Gjilani, me vlerë 3.15 milionë euro, respektivisht 2.8 milionë euro.
Me mbledhjen e të gjitha vlerave, Superliga e Kosovës arrin vlerën prej 25.38 milionë euro.
