Trajneri i Prishtinës, Ismet Munishi, ka deklaruar pas barazimit me Trepçën ’89 2:2 se skuadra që ai drejton nuk ka qenë në nivel të detyrës.
Sipas Munishit, mungesa e Kushtrim Gashit është vërejtur shumë.
“Nuk patëm ndeshje të mirë. Nuk ishin në nivel. Duhet ta bëjmë analizën për të parë se çka nuk ka shkuar. Nuk jam i kënaqur. Është evidente mungesa e Kushtrim Gashit, është i pazëvendësueshëm te skuadra jonë. Mba na ka bërë shumë probleme dhe nuk kemi mundur ta ndalim. Edhe qarkullimin e topit nuk e kemi pasur të mirë. Ndoshta pauza na ka bërë dëm, duke luajtur një lojë, duke mos luajtur tjetrën”, tha Munishi.
“Jam shumë i kënaqur me lojtarët e rinj. Prapashtica asistoi te goli i barazimit, por edhe Baholli e Shabanin luajtën mirë. Pavarësisht objektivave që kemi, ne duhet të shkojmë ndeshje pas ndeshje. Nuk guxojmë të vendosim objektiva. Duke arritur objektivat, duhet t’iu japim hapësirë lojtarëve të rinj”, përfundoi Munishi.