Ballkani e zhvillon sonte përballjen e rrethit të pestë në fazën e grupeve në Ligën e Konferencës kundër Slavia Prahës.
Stadiumi “Fadil Vokrri” në Prishtinë është arenë e ballafaqimit të Grupit G me fillim nga ora 21:00.
Fitorja do t’i mbante gjallë shpresat e dy ekipeve për kualifikim nga grupi, në të kundërtën ato do të shuheshin.
Stadiumi pritet të jetë i stërmbushur, andaj për ata që nuk kanë mundur të jenë në shkallët e stadiumit, ndeshja do të transmetohet në Sport 1 në Artmotion.