Son Heung-min, sulmues i Tottenhamit, është “ylli” i fundit i futbollit që ka arritur një marrëveshje me Calvin Klein, pasi u bë imazhi i kompanisë së famshme në Korenë e Jugut.
Son, i cili realizoi “tregolësh” në paraqitjen e tij të fundit për Tottenhamin, pas një fillimi të vështirë të sezonit, u zbulua së fundmi si ambasador i grupit Calvin Klein, ndërsa pozonte me të brendshme.
30-vjeçari do të përfaqësojë markën e modës në Korenë e Jugut.
“Produktet e Calvin Klein kanë pasur një vend të veçantë në veshjet e mia për vite me radhë, kështu që partneriteti ynë është një përshtatje e natyrshme”, tha Son në një deklaratë.