Portugalia deklasohet në ndeshjen e parë pas pensionimit të Ronaldos
Portugalia ka pësuar humbje të rëndë në shtëpi, duke u mposhtur 4:1 nga Danimarka në Ligën A të Ligës së Kombeve.
Ishte ndeshja e parë e portugezëve prej kur kapiteni legjendar i kësaj kombëtare, Cristiano Ronaldo, e njoftoi pensionimin.
Ronaldo u nderua në fillim të ndeshjes. Të gjithë lojtarët dolën në fushë me fanella me numrin 7.
Sa i përket fushës, ishte ndeshja për t’u harruar për Portugalinë.
Pierre Hojbjerg e hapi serinë e golave për danezët në minutën e 43-të kur shënoi nga penalltia.
Më pas Rasmus Hojlund realizoi dy gola në minutat 50’ e 47’.
Për 4:0 u përkujdes mbrojtësi Joachim Andersen në minutnë e 75-të.
Golin e nderit për vendasit e shënoi Bernardo Silva në minutat shtesë.
Portugalia vazhdon të jetë e para e grupit me 12 pikë. I duhet vetëm barazimi në ndeshjen e fundit ndaj Uellsit për ruajtur këtë pozitë.
Danimarka e dyta ka nëntë pikë, tri më shumë se Norvegjia me të cilën e luan ndeshjen e fundit.
Dy vendet e para kualifikohen për në plejof të Ligës së Kombeve.
