Emir Sahiti ka qenë titullar në fitoren e Hajdukut të Splitit kundër Goricës me rezultatin 3:1.
Ky ishte duel i mbetur i xhiros së katërt të elitës së futbollit të Kroacisë dhe u zhvillua të mërkurën në stadiumin “Poljud” në Split.
Sahiti ka pasur paraqitje shumë të mirë, pavarësisht që nuk ka realizuar.
Ai është ndëshkuar me karton të verdhë dhe ka luajtur deri në minutën e 79-të.
Këtë sezon, sulmuesi i Kosovës ka një gol dhe një asistim në kampionatin kroat.
Me 30 pikë, Hajduku është në vendin e dytë. Ka pesë pikë më pak se lideri Dinamo Zagreb, por Dinamo ka një ndeshje më pak të luajtur. Gorica është e fundit me gjashtë pikë.