Mesfushori Christian Pulishiq prej vitit të ardhshëm do të jetë pjesë e skuadrës së Newcastle Unitedit. “The Sun” ka raportuar të enjten se Pulishiqi tashmë ka arritur marrëveshje personale me Newcastlen, që po negocion me Chelsean për lirimin e tij.
Pulishiqi thuhet se është pajtuar t’i bashkohet Newcastlet në afatin kalimtar të janarit për shkak se nuk po ka hapësirë të mjaftueshme te Chelsea këtë edicion.
Për kartonin e tij, Newcastle pritet të paguajë rreth 40 milionë euro dëmshpërblim.
24-vjeçari ka një gol e një asistim në të gjitha garat këtë edicion, ndërsa me Chelsean ka kontratë deri në vitin 2024.