Ranglista e klubeve kosovare dhe e Superligës së Kosovës në UEFA

Ballkani është listuar në skuadrat evropiane pas ndeshjeve kualifikuese dhe atyre brenda grupit në Europa Conference League.

Nga 423 skuadra evropiane, Ballkani mban pozitën e 334, pasi kjo ishte hera e parë që u paraqit në Evropë.

Vitin e fundit Prishtina ishte jashtë këtyre garave, porse katër vjet rresht mori pjesë për t’u renditur në pozitën e 299-të.

Në pozitën e 370-të është Llapi e nën të Gjilani.

Të dyja këto skuadra nga dy herë janë paraqitur në garat e UEFA-së.

Nga klubet kosovare në këtë ranglistë të UEFA-së për koeficientin e klubeve, më së larti është e renditur Drita, që ka koeficient 6.5 dhe pozicionohet në venin e 198-të, më lartë se shumë skuadra të njohura evropiane si Vorskla, Luzern, Liepaja, Dinamo Minsk e të tjera.

Superliga e Kosovës mbanë pozitën e 33-të në Evropë nga 55 kampionate të shteteve sa janë në listë.

Kosova lë pas vetes: Finlandën, Bosnjën, Irlandën, Shqipërinë dhe disa shtete tjera.