MSR-ja premton investim prej mbi 12 milionë euro për stadiumin në Prizren

Ministria e Sportit dhe Rinisë ka premtuar investim prej mbi 12 milionë eurove për modernizimin e stadiumit “Përparim Thaçi” në Prizren.

MSR-ja të enjten mbrëma njoftoi se realizimi i projektit për “rikonfigurimin, zgjerimin dhe modernizimin” e këtij stadiumi tashmë ka nisur.

“Ky projekt do të mundësojë avancimin e kushteve për zhvillimin e aktiviteteve sportive, në përputhje me standardet e kërkuara nga UEFA”, ka shkruar ndër të tjera MSR-ja, ndërsa ka publikuar edhe disa fotografi të projektit.