Tifogrupi i Vëllaznimit të Gjakovës “Kuqezinjtë e Jakovës” e kanë djegur flamurin serb para ndeshjes kampionale kundër Trepçës të dielën mbrëma, duke e shfaqur edhe një mesazh për Mitrovicën.
Grupi i tifozëve nga Gjakova kanë shfaqur mesazhin: “Të gatshëm për Veri, Mitrovica është Shqipëri”.
Në disa pamje të shpërndara në rrjetet sociale, shihet flamuri serb i përdhosur pasi u dogj.
Mediumi i madh serb “Telegraf.rs” e ka quajtur skandal mesazhin e tifozerisë gjakovare.
“Skandal në Kosovë: Në një ndeshje basketbolli është djegur flamuri i Serbisë bashkë me pankartën “Mitrovica është Shqipëri”, thuhet në titullin e artikullit të mediumit nacionalist serb.
Vëllaznimi në fund triumfoi 75:72 kundër Trepçës në palestrën “Shani Nushi” në Gjakovë.