Kombëtarja e Rumanisë e pret në shtëpi të premten Kosovën, për ndeshjen e parafundit të UEFA Nations League.
Në “Fadil Vokrri” himni rumun u vërshëllye në humbjen e Kosovës 3:0.
Legjenda e futbollit rumun dhe ish-lojtari i West Ham Unitedit, Ilie Dumitrescu vjen me një propozim se si duhet reaguar tifozët e Rumanisë në ndeshjen ndaj Kosovës.
Ai thotë se është mirë që tifozët ta duartrokasin himnin e shtetit të Kosovës.
“Po mendoja një skenar si ky: Kur të këndohet himni i popullit të Kosovës le të duartrokasin të gjithë. Kështu është një përgjigje për atë që bën ata”, u shpreh Dumitrescu
Edhe trajneri i Kombëtares së Rumanisë, Mircea Lucescu para ndeshjes ka kërkuar kujdes nga tifozët.
“Do doja që publiku ynë të na ndihmonte dhe të përpiqet të bëjë sjellje sikur në Gjermani në Euro-n 2024.
“Nuk kemi nevojë për një atmosferë armiqësore ndaj kundërshtarëve tanë”, tha Lucescu.
Kujtojmë se ndeshja mes Rumanisë dhe Kosovës zhvillohet të premten nga ora 20:45./