Tekniku i Gjilanit, Zekirija Ramadani është ndarë tejet i pakënaqur me futbollistët e tij.
Në fakt ai deklaroi se luajtën mirë, por e ka problemin që kur po pësojnë gol, po fiken, tamam si një ekip siç iu referua ai, 17-vjeçarësh.
Tutje, ai uroi Drenicën për fitore, duke thënë se tri pikët i morën me meritë.
“Në përgjithësi luajtëm mirë dhe krijuam disa raste shënimi. Ne nuk shënuam dhe pastaj kundërshtari na dënoi me tiparin e vet më të rrezikshëm që ka: kundërsulmin. Ne jemi bërë sikur një ekip 17-vjeçarësh.
Sapo ta pësojmë një gol, fiket tërë ekipi. Humben shpresat. Ekipi është i shtrydhur. Jo me fajin e stafit teknik. Tjetër kund është faji. Në minutat e fundit nuk ngjanim në një skuadër”, tha ndër të tjerash ai për Art Sport.